ئەركەكلىك تەبىرى

ئەركەكلىك تەبىرى

ئەركەكلىك - ھەر بىر ئىش ھەرىكىتىڭدە دائىمى رەۋىشتە ياراتقۇچىنى ئەسلەپ تۇرۇشىڭدۇر .

ئەركەكلىك شەرەپ سۆزى ۋە ئىززەت پۇزىتىسىيەسى تۇتماقتۇر !

ئەركەكلىك بېغىشلاش ، تەقدىم قىلىش ، قۇربان بېرىش ۋە پىدكارلىقتۇر

ئەركەكلىك ساڭا ياخشىلىق قىلغان كىشىگە ياخشىلىق قىلىپ ، يامانلىق قىلغانغا يامانلىق قىلماسلقىڭدۇر

ئەركەكلىك ، باشقىلارنى ھۆرمەتلەش ، ئۇلارنىڭ كۆز قارىشىنى ھۆرمەتلەش ئۇلارنى ۋە ئۇلارنىڭ كۆز قارىشىنى تۆۋەن كۆرۈشتىن ساقلىنىشتۇر !

ئەركەكلىك مالامەتچىلەرنىڭ مالامەت قىلىشىدىن قورىقماي ھەق سۆزلەش ۋە ئۇنى ئايان قىلىشتۇر . !

ئەركەكلىك ئەڭ يۈكسەك ئۇقۇمدىكى ئالىيجاناپلىق ۋە ئادىمىيلىكتۇر

ئەركەكلىك ئادىللىق ۋە ھەر بىر ھەق ئىگىسىگە ھەققىنى بېرىشتۇر .
!
ئەركەكلىك ئۇ ئېسىل ئەخلاق ۋە ياخشى موئامىلە دېمەكتۇر .

ئەركەكلىك ئۆزۈڭ ئۈچۈن ياخشى كۆرگەن نەرسىنى ئۆزگىلەر ئۈچۈنمۇ ياخشى كۆرۈشىڭدۇر .

ئەركەكلىك زۇلۇمغا ئۇچرىغۇچىنى زالىمدىن قوغداشتۇر .

ئەركەكلىك ھەر قانداق شارائىتتا بولما ھاجەتمەنلەرگە ياردەم قولۇڭنى سۇنۇشۇڭدۇر . !

ئەركەكلىك ئۆزۈڭنىڭ قەدرىڭنى بىلىپ
باشقىلارنىڭ ھەم قەدرىنى قىلىپ يا شىشىڭدۇر

ئەركەكلىك كۈچۈڭ يىتىدىغان تۇرۇپ ئەپۇ قىلىشىڭ ، ئاچچىقىڭ كەلگەندە ئۆزۈڭنى تۇتىۋېلىشىڭدۇر .!

ئەركەكلىك بىتەلەي بىچارىلەرنىڭ كۆز يېشىنى مۇلايىملىق بىلەن سۈرۈتۈپ قويۇشىڭدۇر .

ئەركەكلىك ھېچكىمگە زۇلۇم قىلمىغان ھالدا كۆڭلۈڭ توق ، ۋىجدان ئازابى تارىتماي ئۇخلىيالىغان بولۇشۇڭدۇر .

ئەركەكلىك ئائىلەڭ ئۆيۈڭ خوتۇنۇڭنىڭ مەنپەئەتىگە سەل قارىماي ئۇلارنىڭ ئامانلىقى ۋە بىخەتەرلىكىنى كاپالەتلەندۈرگەن بولۇشۇڭدۇر .

ئەركەكلىك ئەركەكنىڭ ئايالى ئالدىدىكى مەسئۇلىيىتىنى بىلىشى ۋە ۋاپادارلىقى دوستانىلىقى ۋە كۆيۈنىشىدۇر .

ئەركەكلىك ئايالىڭغا ئۆزىنى دۇنيادىكى بەختىيار ئىنسانلارنىڭ بىرى ، ئۆزىنىڭ سەنسىز ياشىشى مۈمكىن ئەمەس دېگەن تۇيغۇنى بىرەلىشىڭدۇر .